कुटानी पिसानीका लागि विशेषगरी पहाडी क्षेत्रमा प्रयोग हुँदै आएको पानीघट्ट पछिल्लाे समयमा संकटमा पर्दै आएकाे छ।
बिजुली तथा पेट्रोलियम इन्धनमा आधारित अन्न कुटानी पिसानी मिलहरु सञ्चालनमा आएसँगै परम्परागत सीपमा आधारित प्राकृतिक ऊर्जा स्राेत (खोलाको पानी) मा आधारित पानीघट्टकाे प्रयाेग कम हुँदै गएकाे हाे।
पहाडी क्षेत्रमा अझै पनि सीमित मात्रामा गहुँ, कोदो, मकैसहितका अन्न पिसानीका लागि स्थानीय पानीका स्रोतहरुमा आधारित घट्टहरु सञ्चालनमा छन्। तर सघन बन्दै गएका बाढी–पहिरोसहितका विपदहरुले परम्परागत ज्ञानमा आधारित पानीघट्टहरु बगाउने गरेको छ।
स्थानीय तहले पानीघट्ट संरक्षणका लागि ध्यान नदिँदा परम्परागत सीप हराउने चिन्ता बढेको स्थानीय बासिन्दाहरु बताउँछन्।
यही परिवेशमा सिन्धुपाल्चोकको मेलम्ची नगरपालिका क्षेत्रका गाउँमा अझै केही पानीघट्ट सञ्चालनमा छन्। हामीले यस्तै एउटा पानीघट्टको भिडियो सामग्री यहाँ प्रस्तुत गरेका छौँ ।
भिडियाे स्टाेरी
तस्बिरहरु
यो पनि पढ्नुहोस्
भर्खरै
लोकप्रिय
