दुर्घटनामा परी एक जनाको मृत्यु

बुटवल – बुटवलमा दुर्घटनामा परी एक जनाको मृत्यु भएको छ। बिहीबार दिउँसो बुटवल उपमहानगरपालिका–१३ जितगढीमा स्कुटर र मोटरसाइकल ठक्कर खाएपछि सडकमा पल्टिएका युवालाई बसले ठक्कर दिँदा उनको मृत्यु भएको हो।

दुर्घटनामा गुल्मीको धुर्कोट गाउँपालिका घर भई बुटवल उपमहानगरपालिका–१३ बस्ने मनोज थापाको मृत्यु भएको जिल्ला प्रहरी कार्यालय रूपन्देहीका प्रहरी प्रवक्ता नवरत्न पौडेलले जानकारी दिए।

लु ८३ प ४१४४ नम्बरको स्कुटर र लु ७४ प ६०१६ नम्बरको मोटरसाइकल आपसमा ठोक्किँदा स्कुटरमा सवार थापा सडकमा लडेका थिए।

सडकमा लडेका थापालाई ना १ क ४१४६ नम्बरको बसले पुनः ठक्कर दिएपछि उनको मृत्यु भएको प्रहरीले जनाएको छ।