रूपन्देहीको देवदहमा एमाले विजयी

बुटवल– रूपन्देहीको देवदह नगरपालिकाको नगर प्रमुखमा एमालेका ध्रुव खरेल निर्वाचित भएका छन्। खरेलले कांग्रेसका उम्मेदवार हीरा खत्रीलाई १ हजार ६ सय २० मत अन्तरले हराएका हुन्।

खरेलले १२ हजार ९ सय ४३ मत पाउँदा केसीले ११ हजार ३२३ मत प्राप्त गरेका थिए। नगर उपप्रमुखमा पनि नेकपा एमालेकै विद्यालक्ष्मी गुरूङ निर्वाचित भएकी छन्।

गुरूङले माओवादी केन्द्रकी सुन्दरी गिरीलाई ६ हजार ४ सय ९४ मतान्तरले पराजित गरेकी हुन्। ४८ हजार २ सय ९१ मत खसेको देवदहमा गुरूङले १३ हजार ७ सय ८४ मत पाउँदा गिरीले ७ हजार २ सय ९० मत पाएकी थिइन्।

खरेलसँग पराजित भएका खत्री ०७४ सालको निर्वाचनमा एमालेका टीकाराम चापागाईंलाई पराजित गर्दै नगरप्रमुख निर्वाचित भएका थिए। गुरुङ ०७४ सालमा एमालेबाट उपप्रमुख निर्वाचित भएकी थिइन्।