अ
+
अ
अ
-
बुटवल- रुपन्देहीको सैनामैना नगरपालिकाको प्रमुखमा नेपाली कांग्रेस विजयी भएको छ।
गठबन्धनबाट उम्मेदवार भएका नेपाली कांग्रेसका फणेन्द्रप्रसाद शर्माले २०७४ सालमा आफूलाई पराजित गरेका नेकपा एमालेका चित्रबहादुर कार्कीसँग बदला लिदै जित हात पारे।
शर्माले कार्कीलाई ५ सय ८२ मतान्तरले पराजित गरेका हुन्। शर्माले १५ हजार ६ सय ८६ मत ल्याउदा कार्कीले १५ हजार १ सय ४ मत ल्याए।
कार्कीले २०७४ सालमा कांग्रेसका उनै शर्मालाई हराएर प्रमुखमा निर्वाचित भएका थिए। त्यसबेला कार्कीले शर्माभन्दा २ हजार ७३१ मत बढी ल्याएका थिए।
कांग्रेसले प्रमुखमा बदला लिएपनि उपप्रमुखमा भने एमालेकै बिना राना दोहोरिएकी छन्।
रानाले गठबन्धनका तर्फबाट नेकपा माओवादी केन्द्रका मानबहादुर महत (नारायण) लाई २ हजार ४२ मतान्तरले पराजित गरिन्। २०७४ सालमा पनि एमालेबाटै उपप्रमुखमा निर्वाचित भएकी रानाले यसपालि १५ हजार ७ सय ६२ मत पाउँदा महतले १३ हजार ७ सय २० मत पाए।
११ वडा रहेको सैनामैनामा एमालेले ७ वटा वडामा जितेको छ भने कांग्रेसले ३ र माओवादी केन्द्रले एउटा वडामा जित हासिल गरेको छ।
भर्खरै
लोकप्रिय
