पाल्पामा जीप दुर्घटना: तीनको मृत्यु,आठ घाइते

बुटवल–पाल्पाको रिब्दिकोटमा बुधबार बिहान सुख्खा पहिरोमा जीप पुरिदा ३ जनाको मृत्यु भएको छ। पहिरोमा पुरिएर आठ जना घाइते भएका छन्।

रिब्दीकोट गाउँपालिका–२ देउराली जोर्ते र लघुवाको बीचमा सुख्खा पहिरोमा लु १ ज ४६०० नम्बरको जिप पुरिँदा तीन जनाको मृत्यु भएको जिल्ला प्रहरी कार्यालय पाल्पाले जनाएको छ।

पहिरोले पुरिएर मृत्यु भएका एक महिला र दुई पुरुषको पहिचान नखुलेको जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाले जानकारी दिए।

घाइते भएका आठ जनालाई उद्धार गरी पाल्पाको तानसेनस्थित अस्पतालमा उपचारका लागि लगिएको छ।