अ
+
अ
अ
-
झापा- बिर्तामोड नगर प्रहरीले बरामद गरेको मरेका माछा नष्ट गरेको छ। नगर प्रहरीको गस्ती टोलीले प्रतिबन्धित भारतीय मरेका ७० किलो माछा बिर्ता बजारबाट बिहीबार बरामद गरेको थियो।
रहु र ताम्पत जातका मरेका माछा स्थानीय व्यवसायी मदन माझी र दिलिप माझीले बिक्री गर्दै गरेको अवस्थामा नगर प्रहरीले फेला पारेपछि नियन्त्रणमा लिएको जनाइएको छ।
कानुनी प्रक्रिया पूरा गरी बरामद गरिएको माछा खाल्डो खनेर पुरिएको नगर प्रहरीका सहकमाण्डर टंकप्रसाद तिम्सिनाले जानकारी दिए।
बिर्तामोड नगरपालिका क्षेत्रभित्र मरेका अस्वस्थकर माछा बिक्री वितरण पूर्णरूपमा प्रतिबन्ध छ।
चाडवाड नजिकिएसँगै लुकीछिपी अस्वस्थकर माछा बिक्री वितरण हुनसक्ने भन्दै नगर प्रहरीले सक्रियता बढाएको छ।
नगर प्रहरीले यसअघि पनि ठूलो परिमाणमा प्रतिबन्धित माछा नियन्त्रणमा लिएर नष्ट गरेको थियो।
भर्खरै
लोकप्रिय
