धरान – दसैं–तिहारलगायत चाडबाडको पूर्वसन्ध्यामा वेस्टर्न युनियनको देश दौडाहामा रहेका कलाकारले बुधबार सुनसरीको इटहरी र धरानमा प्रस्तुति दिएका छन्।
मंगलबार बिहान झापाको बिर्तामोडमा सुरु भएको उक्त कार्यक्रम बुधबार इटहरी र धरान पुगेको हो।
कार्यक्रममा वेस्टर्न युनियनका चाडबाडलक्षित उपहार योजना तथा विभिन्न सामाजिक मुद्दाबारे कलाकारले प्रस्तुति दिएका थिए।
कार्यक्रममा नेपालमा ख्याति कमाएका कलाकार तथा स्थानीय कलाकारलाई सहभागी गराइएको कलाकार किशोर भण्डारी (डिट्ठासाब) ले जानकारी दिए।
कार्यक्रममा जनचेतनामूलक प्रस्तुति रहेका उनको भनाइ छ। कलाकार तथा आयोजकको टोली राजविराज हिँडेको छ। राजविराजपछि गोलबजार, त्यसपछि महेन्द्रनगरहुँदै जनकपुर, जलेश्वर, बर्दिबास, चन्द्रनिगाहपुर, हेटौंडा, नारायणघाट, कावासोती, भैरहवा, बुटवल, दाङ, नेपालगञ्ज, कोहलपुर, पाल्पा, स्याङजा, पोखरा र अन्तमा धादिङमा कार्यक्रमहरू हुनेछन्।
देश दौडाहामा रहने ख्यातिप्राप्त कलाकारमा डिट्ठासाबसहित रेश्मा तिमल्सिना र राजेन्द्र गिरी छन्।
भर्खरै
लोकप्रिय
