विराटनगर – विराटनगरको काली मन्दिरमा यसपटकको दसैंमा बली चढाउदाँ ४ लाख रुपैयाँ भन्दा बढी रकम संकलन भएको छ।
काली मन्दिर ब्यवस्थापन समितिका अनुसार दसैंको छैटौं दिनबाट सुरु भएको बली चढाउने कार्य दशमीसम्म पुग्दा ४ लाख ३४ हजार रुपैयाँ रकम संकलन भएको हो ।
समितिका अध्यक्ष सन्नी कामतका अनुसार यसपटक १ सय रुपैयाँको दरमा २ हजार २ सय ३५ वटा बोकाको बली चढाइएको छ ।
विभिन्न भाकल गरेको भक्तजनहरुले काली मातालाई बोकाको बली चढाउदाँ २ लाख २३ हजार ५ सय रुपैया संकलन भएको कामतले जानकारी दिए ।
त्यसैगरि, हाँस तथा कुखुराबाट २ लाख १० हजार रुपैयाँ संकलन भएको छ । यस क्रममा ४ हजार २ सय १० वटा हाँस कुखुरा बली चढाइएको उनको भनाइ छ ।
प्रत्येक वर्ष दसैंका समय विराटनगरसहित आसपासका क्षेत्रबाट सयौंको संख्यामा भक्तजनहरु बली चढाउन मन्दिर पुग्ने गरेकााछन् । यसअघि गतवर्ष दसैंमा बली चढाउने क्रममा मन्दिरमा ३ लाख ५२ हजार १ सय ५० रुपैयाँ संकलन भएको थियो ।
गत वर्ष १ हजार ६ सय ६८ वटा बोका, ३ हजार ७ सय ७ वटा हाँस तथा कुखुराको बली चढेको थियो ।
भर्खरै
लोकप्रिय
