झापा – पूर्वी तराईमा सन्थाल नाचले दसैंको रोनक बढाउने गरेको छ ।
जब सन्थाल नाच सडक, गाउँ तथा गल्लीहरूमा देखिन थाल्छ तब मात्र दसैं आएको अनुभूति हुन्छ ।
बुधबार सोही अनुभूति गराउन झापाको गरामनी बजारमा सन्थाल समुदायका पुरुषहरूको विभिन्न समूहले आफ्नो समुदायको मौलिक नाच प्रस्तुत गरेका छन् ।
पूर्वी नेपालका झापा, मोरङ र सुनसरीमा बसोबास गर्ने आदिवासी सन्थाल जातिले दसैंका बेलामा गर्ने विशेष प्रकारको नृत्य लोप हुने अवस्थामा पुगेको छ ।
सन्थाल जातिका मानिसहरु आर्थिक अभावका कारण विस्थापित हुने क्रम जारी रहेकाले उनीहरुको विशेष प्रकारको नृत्य पनि लोप हुन लागेको बताइन्छ ।
सन्थाल अग्रजहरु भने आफ्नो मौलिक संस्कृति नै हराउन लागेकोमा चिन्तित छन् । उनीहरु भन्छन् सन्थाल युवाहरुमा यो नृत्यप्रति चासो घट्दो क्रममा छ ।
टाउकामा नेपालको राष्ट्रिय झण्डा, एकै प्रकारका पहिरनमा कछाड र कुर्ता लगाई शरीरका अंगहरु हल्लाउंदै एक नासले गरिने सन्थाल नृत्य अरु नृत्यहरु भन्दा पृथक छ ।
विजयादशमीको भोलिपल्ट गरामनीमा सन्थाल नाचको मेला लाग्ने गरेको छ । विगतका बर्षहरूमा विभिन्न कारणबाट सोचेजस्तो मेला नलाग्ने गरेकोमा यसपटक भने सन्थाल समुदायका पुरुष खुलेर नाचेका थिए ।
तस्बिरहरूः
भर्खरै
लोकप्रिय
