एसियन खेलकुदमा पदक विजेता कबड्डी टोलीकी कप्तान मेनुका राजवंशीलाई मोरङमा सम्मान

विराटनगर – एसियन खेलकुदमा पदक विजेता कबड्डी टोलीकी कप्तान मेनुका राजवंशीलाई मोरङमा सम्मान गरिएको छ ।

चिनमा सम्पन्न १९ औं एसियन खेलकुदमा कबड्डीतर्फ कास्यपदक विजेता टोलीकी कप्तान राजवंशीलाई बिहीबार कटहरी गाँउपालिकास्थित जीवन विकास लघुवित्त संस्थाको आयोजनामा कोशी प्रदेशका मुख्यमन्त्री केदार कार्कीले ५१ हजार रुपैयाँसहित सम्मान गरेका हुन् ।

कार्यक्रममा मुख्यमन्त्री कार्कीले मुलुकलाई विदेशी भूमिमा परिचित गराउने खेलाडी राष्ट्रिय गहना भएको बताए ।

मुलुकलाई पदक दिलाउन सफल सबै खेलाडीप्रति उच्च सम्मान रहेको जनाउँदै मुख्यमन्त्री कार्कीले खेल क्षेत्रको विकासमा प्रदेश सरकारको प्राथमिकतामा रहेको बताए ।