काठमाडौं- यमपञ्चक अर्थात तिहारको दोस्रो दिन आइतबार इमानदार सुरक्षापालक कुकुरको पूजा गरी मीठो खानेकुरा दिएर कुकुर तिहार मनाइँदै छ।
कार्तिक कृष्ण चतुर्दशीका दिन कुकुरको पूजा गरी मीठो खान दिए यमलोकको यात्रा गर्दा यमराजको पहरेदारका रूपमा मूलढोकामा बस्ने श्याम र सबल नाम गरेका कुकुरले सहज रूपमा बाटो छोडिदिने धार्मिक विश्वास छ।
घरमा कुकुर पाल्नाले मुटु र मधुमेहजस्ता रोग नलाग्ने आधुनिक वैज्ञानिक मान्यता छ।
कुकुर तिहारको अवसरमा काठमाडौंको महाराजगञ्ज स्थित नेपाल प्रहरीको कुकुर तालिम केन्द्रमा विशेष कार्यक्रम गरी कुकुर तिहार मनाइएको छ। त्यहाँ रहेका कुकुरहरूको पूजा गरिनुका साथै कुकुरहरुले आफ्नो कौशल पनि प्रस्तुत गरेका थिए।
सर्वोत्कृट हमण्डलर प्र. बुद्धिप्रसाद कँडेल भएका छन्। विभिन्न कला प्रदर्शनीमा रोजले २ वटा र टाइगरले एउटा मेडल पाएका छन्।
हेर्नुहोस् देश सञ्चारका लागि सुलभ श्रेष्ठ र बर्षा शाहले कैद गरेका तस्बिरहरू:
भर्खरै
लोकप्रिय
