झापा – बिर्तामोड–१ स्थित देबी पञ्चकन्यामा सञ्चालित इस्टर्न इम्पायर कलेज अफ होटल म्यानेजमेन्ट (इकम) ले राष्ट्रिय विभूति पृथ्वीनारायण शाहको पूर्णकदको शालिक निर्माण पूरा गरी पूर्वराजा ज्ञानेन्द्र शाहबाट अनावरण गराउने भएको छ ।
कलेजले निर्माण गरेको शालिकको आगामी मंसीर ९ गते शनिवार पूर्वराजा शाहले अनावरण गर्ने तयारी गरिएको बुधबार कलेजमा पत्रकार सम्मेलनको आयोजना गरी जानकारी दिइएको हो ।
सोही अवसरमा ८ बर्ष अघिदेखि सञ्चालित कलेजकोसमेत उद्घाटन गरिने कलेजका सञ्चालक आलोक कार्कीले पत्रकार सम्मेलनमा बताए । शाहको योगदानको बृहत्तर सम्मान गर्दै इकम कलेज परिसरमा राष्ट्रिय विभूति पृथ्वीनारायण शाहको पूर्णकदको शालिक निर्माण गरेको सञ्चालक कार्कीले बताए ।
राष्ट्रिय विभूति पृथ्वीनारायण शाहको पूर्णकदको शालिक नेपाल निमाण गर्ने राष्ट्र निर्माताको ऐतिहासिक योगदानको सर्वत्र कदर गर्दै समयको माग अनुसार निर्माण गरिएको सञ्चालक कार्कीले जानकारी दिए ।
सञ्चालक कार्कीले राजसंस्थासँग जोडेर नभइ राष्ट्र निर्माताका रुपमा पृथ्वीनारायण शाहको प्रतिकका रूपमा सम्मान गर्दै शालिक निर्माण गरी अनावरण गरिने तयारी गरेको बताए ।
भावी कार्यक्रममा राष्ट्रिय झण्डा मात्रै राखिने सन्ततिका लागि नेपाल एकीकरण गर्ने राष्ट्र निर्माताका रुपमा पृथ्वीनारायण शाह भएकोसमेत उनले बताए ।
इकम कलेजले होटल म्यानेजमेन्ट, कम्प्युटर साइन्स र बिजनेस स्टडिज अध्यापन गराउँदै आएको सञ्चालक कार्कीले जानकारी दिए ।
भर्खरै
लोकप्रिय
