अ
+
अ
अ
-
झापा- कोशी प्रदेशका मुख्यमन्त्री केदार कार्कीको गाडीमा तोडफोड गरेको आरोपमा मंगलबार राति पक्राउ परेका नेपाल आदिवासी जनजाति महासंघ झापाका अध्यक्ष पाण्डवलाल चौधरी रिहा भएका छन्।
जिल्ला प्रशासन कार्यालयमा २० हजार रुपैयाँ धरौटी तिरेर उनी रिहा भएका हुन्।
उनीमाथि मुख्यमन्त्रीको गाडीमा भएको तोडफोडको ५ लाख रुपैयाँको बिगो हालिएको थियो। अभद्र व्यवहारसम्बन्धी मुद्धा दायर गरिएका चौधरीमाथि अनुसन्धान गर्न प्रहरीले दुईपटक म्याद थपेको थियो ।
पहिलो पटक पाँच दिन र त्यसपछि तीन दिन म्याद थप गरिएको थियो। ८ दिनको म्याद सकिएकाले अब म्याद थप नगरी रिहा गरिएको जिल्ला प्रहरी कार्यालय, झापाले जनाएको छ।
भर्खरै
लोकप्रिय
