मलेसिया पठाइदिन्छु भनी रकम ठगी गर्ने पक्राउ

काठमाडाैँ-  मलेसिया पठाइदिन्छु भनेर रकम ठगी गर्ने एक व्यक्तिलाई प्रहरीले पक्राउ गरेको छ।

रौतहटकाे बुद्धावन नगरपालिका ४ घर भई हाल काठमाडौँको शान्तिनगर बस्ने विन्दालाल शाह कानुले नरेश शाहलाई वैदेशिक रोजगारीको लागि मलेसिया पठाइदिन्छु रकम ठगी गरेको आरोपमा सोमबार प्रहरीले पक्राउ गरेको हो।

विन्दालालले नरेशलाई मलेसिया पुगेपछि आकर्षक तलब हुन्छ भनेर विश्वास दिलाई प्रलोभनमा पारेको प्रहरीको भनाइ छ। विन्दालाल रकम लिई सम्पर्कविहीन भएकोले पक्राउ गरिएको काठमाडौँ उपत्यका अपराध अनुसन्धान कार्यालयका प्रहरी उपरीक्षक एवं प्रवक्ता रवीन्द्र रेग्मीले जानकारी दिए।

विन्दालाललाई काठमाडौँको शान्तीनगरबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल पठाइएको उपरीक्षक रेग्मीले बताए।