अ
+
अ
अ
-
काठमाडाैँ – ग्लोबल आइएमई बैंकले पाँचथरको डेरी बजारमा आफ्नो नयाँ शाखारहित बैंकिङ्ग सेवा सञ्चालनमा ल्याएको छ।
बैंकले पाँचथरको फिदिम नगरपालिका वडा नं. १२ डेरी बजारमा हालै नयाँ शाखारहित बैंकिङ्ग सेवा सञ्चालनमा ल्याएको हो। यससँगै बैंकको शाखारहित बैंकिङ्ग सेवाहरुको संख्या २७५ पुगेको छ।
शाखारहित बैंकिङ्ग सेवाको उद्घाटन फिदिम नगरपालिकाका उपमेयर राधाकृष्ण न्यौपाने, वडा नं. १२ का अध्यक्ष कमल प्रसाद चापागाईं तथा बैंकका सहायक महाप्रबन्धक दिलिप पोखरेलले संयुक्तरुपमा गरेका हुन्।
शाखारहित बैंकिङ्ग सेवाबाट ग्रामीण क्षेत्रका बासिन्दाले स्थानीय प्रतिनिधि मार्फत विभिन्न बैंकिङ्ग सेवा लिन सक्नेछन्। यसबाट निक्षेप खाता खोल्ने, तोकिएको सीमासम्मको रकम जम्मा गर्ने तथा झिक्ने, आफ्नो खातामा रहेको मौज्दातको जानकारी लिने, कर्जाको व्याज भुक्तानी लगायतका सेवा लिन सक्नेछन्।
भर्खरै
लोकप्रिय
