शर्मिला वाइबालाई ४ दिन हिरासतमा राखी अनुसन्धान गरिने

काठमाडाैँ- हास्य कलाकार पवन खतिवडा उर्फ ‘म्याकुरी’लाई कुटपिट गरेको आरोपमा पक्राउ परेकी शर्मिला वाइबालाई थप ४ दिन हिरासतमा राखी अनुसन्धान गरिने भएको छ।

जिल्ला प्रहरी परिसर काठमाडौँका प्रहरी उपरीक्षक नवराज अधिकारीका अनुसार बिहिबार अदालतबाट थप अनुसन्धानका लागि ४ दिनको म्याद लिइएको छ।

वाइबाविरुद्ध खतिवडाले आफूविरुद्ध कुटपिट गरेको भन्दै प्रहरी वृत्त महाराजगञ्जमा उजुरी दिएका थिए। उनीविरुद्ध ब्ल्याकमेलिङ तथा कुटपिट गरेको आरोप लगाइएको छ। उनलाई बुधबार सिन्धुपाल्चोकबाट पक्राउ गरी काठमाडौँ ल्याइएको थियो।

थप हास्यकलाकार पवन खतिवडालाई कुटपिट गरेको आरोपमा शर्मिला वाइबा पक्राउ