अ
+
अ
अ
-
झापा- झापाको मेचीनगर-१५ ज्यामिरगढीस्थित भगवती लेमिनेट्स प्लाइउड उद्योगमा लागेको आगो २४ घण्टा बित्दा पनि नियन्त्रणमा आउन सकेको छैन।
आगो निभाउन सोमबार दिनभर झापा, मोरङ, इलाम र भारतका गरी १० वटा दमकल प्रयोग भएका थिए भने नेपाली सेना, सशस्त्र प्रहरी र नेपाल प्रहरी परिचालित थिएका थिए।
अझै १० प्रतिशत आगो निभाउन बाँकी रहेको जिल्ला प्रहरी कार्यालय, झापाका प्रहरी निरीक्षक महेन्द्र पराजुलीले जानकारी दिए।लगातार आगो निभाउने प्रयास भइरहेको उनले बताए।
जिल्लाकै ठूलो प्लाइउड उद्योगमा हिजाे बिहान अचानक आगो लागेपछि सुरक्षाकर्मी, स्थानीय र दमकलले आगो नियन्त्रण प्रयास गरेको २४ घण्टा बितिसक्दा पनि नियन्त्रण हुन नसकेको हो।
आगो निभाउन असम्भव भएपछि भारत नक्सलबारी ग्राम पञ्चायतसँगको सहकार्यमा एउटा दमकल बोलाइएको थियो। आगलागीबाट करोडौं क्षति भएको अनुमान गरिएको छ।
भर्खरै
लोकप्रिय
