काठमाडौँ- अब नेपाल टेलिकमको एनटी फाइबर प्रयोग गर्ने प्रयोगकर्ताहरूले दैनिक निशुल्क मोबाइल डाटा पाउने भएका छन्।
टेलिकमले उपलब्ध गराइरहेको एफटीटीएच (फाइबर टु द होम) प्रविधिमा आधारित एनटी फाइबरका विभिन्न प्याकेज लिँदा दैनिक रुपमा मोबाइल डाटा उपलब्ध हुने नेपाल टेलिकमका प्रवक्ता हरि ढकालले जानकारी दिएका छन्।
टेलिकमका विभिन्न प्याकेज मध्ये वार्षिक एफटीटीएच कम्बो प्याकेज र एफटीटीएच डाटा प्याकेज प्रयोग गर्ने प्रयोगकर्ताहरूले मात्र यो सुविधा लिन सक्ने छन्।
वार्षिक एफटीटीएच कम्बो प्याकेज अन्तर्गत ५० एमबीपीएस र १०० एमबीपीएस डाटा र १ एनटीटीभी र १ टेलिफोन प्रयोग गर्ने सेवाग्राहीले ६०० एमबी र ८०० एमबी डाटा पाउनेछन।
ढकालका अनुसार एफटीटीएच डाटा प्याकेज प्रयोग गर्ने सेवाग्राहीले पनि लाई पनि यो सुविधा उपलब्ध रहेको छ। यस अनुसार ५० एमबीपीएस, ७५ एमबीपीएस र १०० एमबीपीएस डाटा प्रयोगकर्ताले दैनिक रुपमा क्रमशः ६०० एमबी, ७०० एमबी र ८०० एमबी डाटा प्रयोग गर्न सक्नु हुन्छ भने १५० एमबीपीएस र २०० एमबीपीएस डाटा प्रयोगकर्ताले दैनिक रुपमा क्रमशः ९०० एमबी र १००० एमबी डाटा प्रयोग गर्न सक्ने छन।
एनटी फाइबर सेवा प्राप्त गर्न चाहने सेवाग्राहीले १९८ मा डायल गरी प्राप्त सन्देश पश्चात फेरि १ डायल गरी आफूलाई आवश्यक पर्ने सेवा र स्थानका बारेमा जानकारी पाउने छन्।
नेपाल टेलिकमले उपलब्ध गराइरहेको विभिन्न दरको एनटी फाइबर सेवा वारेमा यहाँ क्लिक जानकारी लिन सकिने छ भने त्यसैगरी ‘नेपाल टेलिकम’ एप प्रयोग गरेर पनि एनटी फाइबर र कम्पनीका अन्य विभिन्न सेवाका बारेमा जानकारी लिन सकिन्छ।
भर्खरै
लोकप्रिय
