झापाको बुद्धशान्तिमा मोटरसाइकल अनियन्त्रित भइ पल्टियो, चालकको मृत्यु

झापा- झापाको बुद्धशान्तिमा मोटरसाइकल दुर्घटना हुँदा चालकको मृत्यु भएको छ ।

बुधबार दिउँसो ३.२० बजेको समयमा बुद्धशान्ति १ नमूना चौकस्थित भित्री सडकखण्डमा बुधबारेबाट भोटेटारतर्फ जाँदै गरेको प्र. ३–०२–००५ प ७१०९ न.को मोटरसाइकल आफैं अनियन्त्रित भइ दुर्घटना हुँदा मोटरसाइकल चालक सोही ठाउँ बस्ने अन्दाजी ३३ वर्षीय धर्मेन्द्र सिजाली मगरको मृत्यु भएको हो ।

टाउकोमा गम्भीर चोट लागेर घाइते भइ बीएण्डसी अस्पताल बिर्तामोडमा उपचार भइरहेकोमा दिउँसो ३.४० बजे उपचारको क्रममा उनको मृत्यु भएको हो ।

त्यस्तै सोही मोटरसाइकलमा पछाडी सवार इलाम रोङ १ बस्ने अन्दाजी ३४ वर्षीय कैलाश राई गम्भीर घाइते भएका छन् । टाउको र शरीरको बिभिन्न भागमा चोट लागेर गम्भीर अवस्थाका राईको बीएण्डसी हस्पिटलमा उपचार भइरहेको जिल्ला प्रहरी कार्यालयले जनाएको छ ।