काठमाडौँ – अब विदेशबाट ग्लोबल आइएमई बैंकको खातमा पैसा पठाउँदा ५ सय रुपैयाँसम्म क्यास पाइने भएको छ।
बैंकले बैंकिङ्ग प्रणालीमाफर्त हुने रेमिट्यान्स कारोबारलाई प्रवर्द्धन गर्ने उद्देश्यले ग्लोबल रेमिटमार्फत पैसा पठाउँदा ५०० रुपैयाँसम्म क्यासब्याक पाइने नयाँ योजना सार्वजनिक गरेका जनाएको छ।
‘पैसा आउने, थपेर पाउने’ नारासहित सार्वजनिक गरेको क्यासब्याक योजनामा ग्लोबल रेमिटमार्फत विदेशबाट ग्लोबल आइएमई बैंकमा रहेको खातामा पैसा पठाउँदा ५०० रुपैयाँसम्मको क्यासब्याक पाइनेछ।
यस क्यासब्याक योजनाअन्तर्गत रेमिट्यान्स पठाउने व्यक्तिले २५ हजार देखि ५० हजार रुपैयाँसम्म पैसा पठाउँदा १ सय रुपैयाँ, ५० हजारदेखि १ लाखसम्म पैसा पठाउँदा २ सय ५० रुपैयाँ र १ लाखभन्दा बढी पैसा पठाउँदा ५ सय रुपैयाँ क्यासब्याक प्राप्त गर्ने बैंकले जनाएको छ।
यो योजना जेठ २८ गतेसम्म लागू रहने छ। बैंकले नेपालभर ३५४ शाखा कार्यालय, ३७९ एटिएम, २७७ शाखा रहित बैंकिङ्ग सेवा, ६७ एक्सटेन्सन काउन्टर तथा ३ वटा वैदेशिक प्रतिनिधि कार्यालयबाट ४६ लाख भन्दा बढि ग्राहकहरुलाई सेवा दिइरहेको छ।
भर्खरै
लोकप्रिय
