इन्डियन प्रिमियर लिग (आइपिएल) मा लखनउले चेन्नईमाथि ८ विकेटको फराकिलो जित हासिल गरेको छ। प्रतियोगिताको ३४ औं खेलमा आफ्नो सातौं खेल खेलेको लखनउको यो चौंथो जित हो। चेन्नईको भने यो प्रतियोगितामा तेस्रो हार हो।
लखनउको घरेलु मैदानमा टस हारेर पहिले ब्याटिङ गरेको चेन्नईले निर्धारित २० ओभरमा ६ विकेट गुमाएर १ सय ७६ रन बनाएको थियो। उसका लागि रविन्द्र जडेजाले ५७ रनको नटआउट इनिङ खेल्दा मोइन अलीले ३० रन बनाए। त्यस्तै ओपनर अजिंक्य रहाणेले ३६ रन बनाउदा कप्तान ऋतुराज गाइकवाडले १७ रन बनाउँदा महेन्द्र सिंह धोनीले ९ बलमा २ छक्का र ३ चौका प्रहार गर्दै २८ रनको विष्फोटक नटआउट इनिङ खेले।
१ सय ७७ रनको लक्ष्य पछ्याएको घरेलु टोली लखनउले ६ बल बाँकी हुँदै २ विकेट गुमाएर लक्ष्य पुरा गर्यो। लखनउका लागि क्विन्टन डिकक र केएल राहुलले पहिलो विकेटका रुपमा १ सय ३४ रनको साझेदारी गरे। क्विन्टन डिककले ५४ रन बनाउँदा केएल राहुलले ८२ रन बनाएका थिए। केएल राहुल २३ रनमा अविजित रहँदा उनलाई मार्कुस स्टोइनिसले ८ रनमा साथ दिंदै टिमको जित निश्चित गरेका थिए।
भर्खरै
लोकप्रिय
