अ
+
अ
अ
-
इलाम – इलाम क्षेत्र नम्बर २ मा प्रतिनिधि सभा सदस्य पदका लागि भएको उपनिर्वाचनको मतगणनामा नेकपा एमालेका सुहाङ नेम्वाङको फराकिलो अग्रता कायमै छ।
पछिल्लो मतपरिणाम अनुसार सुहाङले १९ हजार ६९७ मत ल्याएका छन्।
कांग्रेसका डम्बरबहादुर खड्काले १३ हजार १९० मत ल्याएका छन्। स्वतन्त्र उम्मेद्वार डकेन्द्रसिंह लिम्बुले ९ हजार ५१४ मत ल्याउँदा रास्वपाका मिलन लिम्बुले ३ हजार ३२३ मत पाएका छन्।
अहिलेसम्म फाकफोकथुम गाउँपालिका, चुलाचुली गाउँपालिका, मासेबुङ गाउँपालिका, माई नगरपालिकाका वडा नम्बर ६, ७, ८, देउमाई नगरपालिकाको वडा नम्बर १, २, ३, ४, ५, ६, ७, ८ र इलाम नगरपालिकाको वडा नम्बर २ को मतगणना सकिएको छ।
इलाम २ बाट निर्वाचित एमालेका सांसद सुवासचन्द्र नेम्वाङको निधन भए पछि त्यहाँ उपचुनाव भएको हो। वैशाख १५ मा भएको मतदानमा ६९ हजार २८७ मत खसेको थियो।
भर्खरै
लोकप्रिय
