काठमाडाैँ – कांग्रेस सांसद नागिना यादवले राष्ट्रपति चुरे तराई मधेस संरक्षण विकास समितिमा कामभन्दा बढी राजनीति भएको बताएकी छन्।
शुक्रवार प्रतिनिधि सभा बैठकमा बोल्दै सांसद यादवले चरे संरक्षणका लागि बनेको चुरे तराई मधेस संरक्षण विकास समितिमा कामभन्दा बढी राजनीति भएको बताइन्। उनले चुरेमा भइरहेको कामको परिणामले सो कुरा पुष्टि हुने बताइन्। उनले अझै पनि चुरे क्षेत्र अतिक्रमणको सिकार भइरहेको बताइन्।
उनले भनिन् , ‘सरकारले २०७१ मा राष्ट्रपति चुरे तराई मधेस संरक्षण विकास समिति गठन गरे। तर यो समितिमा कामभन्दा राजनीति बढी भएको छ। चुरेको परिणामले पनि देखाइरहेको छ।
उही समितिको रिपोर्ट अनुसार मैले १९९० देखि २०२० सम्म चरेमा ३२ हजार ५० हेक्टर वन बढेको छ। तर ६४ हजार ३०१ हेक्टर वन क्षेत्र अतिक्रमणको चपेटामा परेको छ। मापदण्ड विपरित ९६ हजार ३०६ हेक्टर खोलाको किनारा हराएको छ। गण्डकी, लुम्बिनी र सुदूरपश्चिमको अवस्था पनि यस्तै छ।’ उनले तराई मधेसमा खानेपानीको सुविधा पुर्याउन माग समेत गरिन्।
भर्खरै
लोकप्रिय
