मर्स्याङ्दी दुर्घटना अपडेटः ज्यान गुमाउनेको संख्या २७ पुग्यो

पोखरा – मर्स्याङ्दी नदीमा बस खसेर भएको दुर्घटनामा ज्यान गुमाउनेको संख्या २७ पुगेको छ।

भारतीय पर्यटक बोकेको यूपी ५३ एफटी ७६२३ नम्बरको बस शुक्रबार दिउँसो तनहुँको आँबुखैरेनी गाउँपालिका–२ ऐनपहरास्थित पृथ्वी राजमार्गबाट करिब तीन सय मिटर तल मर्स्याङ्दी नदीमा खसेको थियो।

दुर्घटनामा २६ जनाको घटनास्थल र आँबुखैरेनी अस्पतालमा उपचारको क्रममा तथा एक जनाको उपचारको क्रममा काठमाडौँमा मृत्यु भएको गण्डकी प्रदेश प्रहरी कार्यालयका डिएसपी दीपक केसीले जानकारी दिए। बसमा चालक र सहचालकसहित ४३ जना सवार थिए।

उनका अनुसार घाइतेहरुको त्रिवि शिक्षण अस्पताल काठमाडौँमा उपचार भइरहेको छ।