वीरगञ्ज – वीरगञ्जको नारायणी अस्पतालमा सुत्केरी गराउन आउने महिलाका लागि अबदेखि निःशुल्क रुपमा रगत उपलब्ध गराईने भएको छ।अस्पताल र नेपाल रेडक्रस सोसाईटी पर्सा शाखाबीच सोमबार निःशुल्क रगत उपल्बध गराउने सम्झौता भएको छ।
अस्पतालका मेडिकल सुपरिटेन्डेन्ट डा .चुमनलाल दास र नारायणी अस्पताल र नेपाल रेडक्रस सोसाइटी पर्साका सभापति बिरेन्द्र राज कँडेलले सम्झाैता पत्रमा हस्ताक्षर गरेका छन्। सम्झौताअनुसार अस्पतालमा सुत्केरी गराउन आउने महिलाको उपचारमा लाग्ने रगत निःशुल्क उपलब्ध गराईने छ।
रगत बापत लाग्ने शुल्क अस्पतालले रक्त सञ्चार केन्द्रलाई प्रदान गर्नेछ।हरेक महिनाको ५ गतेभित्रमा अस्पताललाई रगतको बारेमा रक्त सञ्चारले जानकारी दिनेछ। सोहीअनुसार अस्पतालले रगतबापतको रकम भुक्तानी गर्नेछ।
नारायणी अस्पतालमा पर्सा बारा रोतहट गरि मधेस प्रदेश भरिकै महिलाहरु सत्केरीको लागि आउने गरेका छन। यहाँ दैनिक रुपमा तीस देखि ३५ जना महिलाहरुले सुत्केरी सेवा लिदै आएका छन्। सुत्केरीको बेलामा प्राय महिलाहरुलाई रगतको आवयशकता पर्ने गरेको छ।
भर्खरै
लोकप्रिय
