काठमाडौँ – अन्तिम खेल बाँकी हुँदै ‘क्वालिफायर’ पुग्ने लक्ष्यमा रहेको सुदूरपश्चिमले पोखरासमक्ष जितका लागि १ सय ५४ रनको लक्ष्य प्रस्तुत गरेको छ।
टस हारेर पहिले ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १ सय ५३ रनको स्कोर तयार गर्यो।
सुदूरपश्चिमले खराब सुरुवातबीच मध्यक्रम सम्हालिँदा प्रतिस्पर्धात्मक स्कोर बनाउन सफल भयो। सुदूरपश्चिमका लागि आरिफ शेखले सर्वाधिक ४२ रनको अविजित इनिङ्स खेले। उनले ३८ बल खेल्दै २ चौका र १ छक्का प्रहार गरेका थिए।
७० रन जोड्दा ४ विकेट गुमाएको सुदूरपश्चिमका लागि दिपेन्द्र सिंह ऐरी र आरिफ शेखले पाँचौं विकेटका लागि ४१ रनको साझेदारी गर्दै टिमलाई सम्हालेका थिए।
ऐरी १६ बलमा २० रन बनाएर आउट भएका थिए। त्यसअघि विनोद भण्डारीले १४ रन बनाउँदा ब्रान्डन म्याकमुलनले २३ रन बनाएका थिए। त्यस्तै, हर्मित सिंह १३ रनमा आउट भए।
पोखराका लागि कुशल भुर्तेलले २ विकेट लिँदा रेमन रेइफर, सागर ढकाल र माइकल लिस्कले समान १–१ विकेट लिएका थिए।
भर्खरै
लोकप्रिय
