चिसो बढेपछि तीन साता विद्यालय बन्द

रुकुम- जिल्लामा अधिक चिसो बढेपछि रुकुम पूर्वका सामुदायिक विद्यालय तीन साताका लागि बन्द गरिएको छ।चिसोको कारण बालबालिकालाई पठनपाठनमा समस्या उत्पन्न भएपछि जिल्ला शिक्षा कार्यालयसँगको समन्वयमा जिल्लाका विद्यालय बन्द गरिएको शिक्षकले जानकारी दिएका छन्।

चिसोका कारण विद्यार्थीहरूमा निमोनिया, झाडापखालालगायत समस्या देखिन थालेपछि विद्यालय बन्द गरिएको शिक्षकहरूको भनाइ छ।
गत आइतबारदेखि बन्द भएका विद्यालय माघ १५ गतेदेखि सञ्चालन हुने बताइएको छ। विद्यालय बन्द भएपछि विद्यार्थी र अभिभावक न्यानो ठाउँमा अस्थायी बसाइ सर्न सुरु गरेका छन्।

यो पनि हेर्नुहोस्:

चिसो बढेपछि धनुषाका स्कुलहरू बन्द