काठमाडौं– कांग्रेस नेता तथा पूर्वगृहमन्त्री विमलेन्द्र निधिले अदालतको मानहानि खेपिरहेका सत्याग्रही डा. गोविन्द केसीविरुद्ध बोलेपछि सामाजिक सञ्जाल प्रयोगकर्ता उनीविरुद्ध खनिएका छन्।
निधिले मगलबार साँझ केही मिनेटकाे अन्तरमा दुई वटा ट्विट गरेका थिए।
पहिलो ट्वीटमा ‘अदालतको अवहेलना र अनशन – दुबै फैशन हुन लागेको छ। नानीमैंयांप्रवृतिको लोकप्रियता बुद्धिविलासकोलागि त रमाईलै होला। तर, व्यवस्थापकीय एवं शासकीय उत्पादनको लागि कति बुद्धिमत्तापुर्ण हुन्छ ख्वै !!?’ लेखेका निधिले लगत्तै अर्को ट्वीट गरेका थिए, ‘‘ सरकार, संसद, र अदालत –तीनवटै (राज्यको अंग) मैले भनेअनुसार नै चल्नुपर्छ। एम द स्टेट होइन र यो ? नानी मैयाको पुलिंग अवतार र भक्तहरु…’
उनकाे पहिलाे ट्विटमा ५९ वटा प्रतिक्रिया प्राप्त भएकाे थियाे जसमा अधिकांशले निधिकाे कटु अालाेचना गरेका थिए। ‘तपाईंको बुद्धि विवेककले सोच्न सक्ने यति नै त हो, यो भन्दा माथि सोच्न सक्ने भाको भए न त गोपाल पराजुली जस्ता न्यायाधीश बन्थे, न त डा केसी जस्ता निष्ठाका प्रतीकलाई राज्यले यस्तो अचाक्ली गर्थ्यो’ राजेन्द्र पंगेनीले प्रतिक्रिया दिएका थिए।
यसैगरी दाेस्राे ट्वीटमा १ सय १६ वटा प्रतिक्रिया प्राप्त भएकाे थियाे। तर यसमा पनि अधिकाशले निधिकाे कटु अालाेचना गरेका थिए। ‘भारतमा गान्धीलाई पनि एस्तै आरोप लाउँथे होला, मेडिकल माफियासङ्ग कति वटा आन्द्रा जोडिएको छ निधिजी’ सराेज गाैतमकाे प्रतिक्रिया थियाे।
सरकार, संसद र अदालत – तीन वटै (राज्यको अंग) मैले भने अनुसार नै चल्नु पर्छ।
I AM THE STATE होईन र यो ?
नानीमैयांको पुलिंग अवतार र भक्तहरू….!!— Bimalendra Nidhi (@BimalendraNidhi) January 10, 2018
अदालतको अवहेलना र अनशन – दुबै फैशन हुन लागेको छ। नानीमैंयांप्रवृतिको लोकप्रियता बुद्धिविलासकोलागि त रमाईलै होला। तर, व्यवस्थापकीय एवं शासकीय उत्पादनकोलागि कति बुद्धिमत्तापुर्ण हुन्छ ख्वै !!?
— Bimalendra Nidhi (@BimalendraNidhi) January 10, 2018
भर्खरै
लोकप्रिय
