काठमाडौं- जिल्ला प्रहरी कार्यालय धनकुटाका प्रहरी उपरीक्षक सुदिप राजभण्डारीले धनकुटामा कर्फ्यु लागेको समाचार गलत भएको टेलिफोनमा बताएका छन्। विभिन्न सञ्चार माध्यमहरुले धनकुटा सदरमुकाममा कर्फ्यू लागिरहेको समाचार सम्प्रेषण गरेका थिए।
उनले बिहीबार बिहान साढे दस बजेबाट धनकुटा सदरमुकाममा निषेधाज्ञा जारी गरिएको जानकारी दिए। यस गरी सञ्चार माध्यममा आएजस्तो आन्दोलनकारीले प्रहरीको गाडी नजलाएको पनि उनले बताए।
बुधबार सरकारले प्रदेश नम्बर १ को कार्यसंचालन केन्द्र विराटनगर तोके लगत्तै धनकुटामा आन्दोलन चर्किएको छ।
बिहीबार बिहान धनकुटामा आन्दोलनकारीले सिचाइँ, मालपोत र क्षेत्रीय प्रहरी डिभिजन कार्यालय तोडफोड गरेका थिए। प्रहरीले स्थितिलाई नियन्त्रणमा लिन ४ राउण्ड अश्रु ग्यास प्रहार गरेको राजभण्डारीले जानकारी दिए।
उनले अहिले धनकुटाको अवस्था सामान्य भएको बताए। प्रहरीले समूहमा आवतजावत गर्ने भने रोक लगाएको उनले जानकारी दिए।
सम्बन्धित समाचारहरु…
क्षेत्रीय प्रशासन धनकुटा कार्यालयमा आगजनी र तोडफोड, निषेधाज्ञा
भर्खरै
लोकप्रिय
