काठमाडौं – राष्ट्रियसभा चुनावका लागि उम्मेदवार टुंगो लगाउन एमाले स्थायी समितिको बैठक बस्दैछ । दिउँसो ३ बजे अध्यक्ष केपी शर्मा ओलीको निवास बालकोटमा बस्ने बैठकमा राष्ट्रियसभाका लागि बुधबार मनोनयन दर्ता गर्ने उम्मेदवारबारे छलफल हुँदैछ ।
राष्ट्रियसभा निर्वाचित हुने ५६ मध्ये ४३ पदमा वाम गठबन्धनले उम्मेदवा उठाउने निर्णय भइसकेको छ । निर्णयअनुसार एमालेले २९ र माओवादी केन्द्रले १४ पद पाउने सहमित भएको छ ।
एमालेको भागमा परेको २९ जना उम्मेवारबारे सोमबार बस्ने स्थायी समिति बैठकले टुंगो लगाउने अध्यक्ष ओलीका प्रेस संयोजक चेतन अधिकारीले जानकारी दिनुभयो । बैठकमा पार्टी एकताबारे पनि छलफल हुनेछ ।
आइतबार भएको एकता समन्वयन समितिमा भएको कुराहरुको अध्यक्षले ब्रिफिङ गर्ने र एकताबारे थप छलफल गर्ने तयारी गरिएको छ । बैठकमा कुन प्रदेशमा कसलाई मुख्यमन्त्री बनाउने भन्ने विषयमा पनि छलफल हुनेछ ।
सात प्रदेशमध्ये ६ वटामा वाम गठबन्धननले सरकार बाउने अवस्था छ । ६ वटा मध्ये प्रदेश नम्बर १, ३, ४ र ५ एमालेको भागमा परेकाले कसलाई मुख्यमन्त्री बनाउने भन्नेबारे छलफल हुनेछ ।
चारवटै प्रदेशमा मुख्यमन्त्रीका लागि एकभन्दा बढी केन्द्रीय नेता नै दाबेदार भएकाले उम्मेदवार छान्न एमालेलाई सकस पर्ने देखिन्छ ।
यस्तै उम्मेदवार टुंगोलगाउन नेकपा माओवादी केन्द्रको बैठक पनि सोमबार दिउँसो पेरिसडाँडामा बस्दैछ ।
भर्खरै
लोकप्रिय
