काठमाडौं–आईसिसी वर्ल्ड क्रिकेट लिग डिभिजन दुईअन्तर्गत नेपालविरुद्ध खेलिरहेको नामिबिया स्पिन अाक्रमणले सकटमा परेकाे छ।
उसले ताजा स्थितिमा १७ ओभरमा ६ विकेट गुमाएर ८१ रन जोडेको छ।
७५ रन जोड्दा दुई विकेट गुमाएको नामिबिया एकाएक दबाबमा अाएकाे हाे।
साेमपाल कामीले सुरुवाती दुइ विकेट लिएकाे याे खेलमा सन्दीप लामिछानेले दुइ तथा बसन्त रेग्मी र पारस खड्काले एक एक विकेट लिएका छन्।
सन्दीपले चार अाेभरमा एक मेडन राखेर सात रन खर्चिएका छन्। पारसले दुइ अाेभरमा दुइ मेडन राखेर एक विकेट हात पारेका छन्। सन्दीपले ४१ रन बनाएका क्रेग काेलिन्ससहित कप्तान बर्गरलाइ पनि अाउट गरे।
नामिबियाले पहिलो १० ओभरमा दुई विकेट गुमाएर ६७ रन बनाएको थियो। नामिबियाका प्रारम्भिक ब्याट्सम्यानद्धय स्टेफान बार्ड १८ र एलपी भान डर वेस्थुजेन एक रनमा आउट भएका थिए ।
नामिबियाले पहिलो विकेटका लागि तीन, दोस्रोको लागि १९ र तेस्रो विकेटका लागि ५२ रनको साझेदारी गरेको थियो।
बसन्तले तेस्रो विकेट लिएका थिए। नेपालले टस जितेर पहिला ब्याटिङ गर्ने निर्णय गरेको हो।
सम्बन्धित समाचार
भर्खरै
लोकप्रिय
