पूर्व क्रिकेटर इमरान खानले पाकिस्तानको प्रधानमन्त्रीको रुपमा शनिबार शपथ लिएका छन् । उनले शनिबार बिहान पाकिस्तानको २२ औँ प्रधानमन्त्रीको रुपमा शपथ लिएका हुन् ।
शपथ ग्रहण समारोहमा इमरानकी श्रीमती बुशरा मेनका पनि सामेल थिइन् । इमरानको शपथ ग्रहण समारोहमा विभिन्न देशका नेता तथा अरु क्षेत्रका अतिथि सामेल थिए ।
इमरान शुक्रबार संसदमा भएको चुनावबाट देशको प्रधानमन्त्रीमा निर्वाचित भएका हुन् । इमरानको पार्टी पाकिस्तान तहरिक–ए–इन्साफ। पिटिआई गएको जुलाईमा भएको चुनावमा देशको सबैभन्दा ठूलो पार्टी बनेको थियो ।
We have waited long for this moment Pakistan 🇵🇰 #PrimeMinisterImranKhan pic.twitter.com/drzo07UZuW
— Tehreek-e-Insaf (@InsafPK) August 18, 2018
शुक्रबार प्रधानमन्त्रीका लागि संसदमा भएको चुनावबाट उनी देशको २२ औँ प्रधानमन्त्रीका रुपमा चयन भएका हुन् । उनले १७६ भोट पाए भने उनका प्रतिस्पर्धी मिस्लिम लिग, नवाजका शहबाज शरीफले ९६ भोट पाए । बिलावल भुट्टोको पार्टी पाकिस्तान पिपुल्स पार्टी, पिपिपीले मतदानमा सहभागिता जनाएन ।
६५ वर्षका इमरानले अब देशको नेतृत्व सम्हाल्ने छन् । उनका सामु खराब हुँदै गएको अर्थतन्त्र उकास्ने तथा वाचा गरे अनुसार सामाजिक परिवर्तन ल्याउने चुनौती छ ।
सन् १९९२ मा पाकिस्तानलाई विश्वकप क्रिकेटको उपाधि दिलाउँदा टिमको कप्तान रहेका इमरान अब देशको कप्तान बनेका छन् ।
भर्खरै
लोकप्रिय
