काठमाडौं- प्रतिनिधिसभा तथा प्रदेशसभाको प्रत्यक्षतर्फ बाम गठबन्धन देशब्यापीरुपमा हाबी भए पनि समानुपातिकतर्फ कांग्रेसको उपस्थिति बलियो देखिएको छ। प्रत्यक्षतर्फ गठबन्धन गरे पनि समानुपातिकतर्फ दलहरुले एक्लाएक्लै प्रतिस्पर्धा गरेका छन् । प्रतिनिधि सभातर्फको समानुपातिकतर्फ एमालेलाई कांग्रेसले कडा टक्कर दिएको छ। एमालेले कांग्रेसभन्दा २० हजारभन्दा बढी मत प्राप्त गरेको छ ।
हालसम्मको मतगणनामा एमालेले चार लाख ४३ हजार ५ सय ३ मत ल्याएको छ। यसैगरी कांग्रेसले चार लाख २५ हजार ७६ मत ल्याएको छ। तेस्रो स्थानमा रहेको माओवादी केन्द्रले दुई लाख चार हजार सात सय ५७ मत ल्याएको छ । मधेशकेन्द्रित राष्टिय जनता पार्टीेले २५ हजार ५ सय ९८ र विवेकशिल साझा पार्टीले २२ हजार सात सय २७ मत ल्याएको छ।
राष्ट्रिय प्रजातन्त्र पार्टीले २१ हजार सात सय ८८, संघीय समाजवादी फोरम नेपालले १८ हजार २ सय ४५, नयाँ शक्ति पार्टी नेपालले १८ हजार ८६ र राष्टिय जनमोर्चाले सात हजार १६ मत ल्याएको छ । राप्रपा प्रजातान्त्रिकले नौ हजार एक सय १२ मत ल्याएको छ।
निर्वाचन आयोगका अनुसार अन्य पार्टीको नाममा २७ हजार नौ सय ३५ मत झरेको छ।
भर्खरै
लोकप्रिय
