अ
+
अ
अ
-
काठमाडौँ- स्वास्थ्यमन्त्री दीपक बोहोराले पछिल्लोपटक गठन गरेको उच्चस्तरीय समितिले नयाँ स्वास्थ्य नीति को मस्यौदा तयार पारेको छ।
समितिले तयार पारेको स्वास्थ्य नीतिको मस्यौदा बोहोरालाई सोमबार बुझाइएको हो। संविधानले व्यवस्था गरेको नागरिकको स्वास्थ्य सम्बन्धी मौलिक हक सुनिश्चित गर्न नयाँ स्वास्थ्य नीतिको आवश्यकता परेको स्वास्थ्यमन्त्री बोहोराले बताए। मन्त्री बोहोरा नै अध्यक्ष रहेको समितिले संघीयतालाई सुहाउँदो नीति निर्माण गरेको र अव कार्यान्वयनको चरण महत्वपूर्ण रहेको उनको भनाइ छ।
नीतिले नागरिकलाई गुणस्तरीय र सुलभ स्वास्थ्य सेवा संघीय संरचना अनुरुपको स्वास्थ्य सेवा प्रणालीको माध्यमबाट प्रदान गर्ने उद्देश्य राखेको छ। यस्तै आयुर्वेद र अन्य वैकल्पिक चिकित्सा पद्धतिहरुको विकास एवं प्रवर्धन गर्ने उद्देश्य पनि नीतिले राखेको छ।
संघीयता सुहाउँदो नीति निर्माणका लागि तीन वटा समिति बनिसकेका छन्। नीति परिमार्जनका लागि पूर्वस्वास्थ्यमन्त्री गगन थापाले बनाएको समितिलाई पूर्व स्वास्थ्यमन्त्री गिरिराजमणि पोखरेलले भंग गर्दै नयाँ बनाएका थिए। त्यो समिति पनि स्वास्थ्य मन्त्री बोहोराले परिवर्तन गरेका थिए।
यो पनि हेर्नुहोस्:
भर्खरै
लोकप्रिय
