कैलाली- धनगढीमा जारी सुदुरपश्चिम महोत्सवमा अवलोकनकर्ताको ओइरो लागेपछि आयोजकले टिकट बन्द गरेका छन्।
महोत्सवमा हजारौ दर्शक ओइरिएपछि स्थान अभावमा आयोजकले टिकट बिक्री बन्द गर्नु परेको जानकारी दिएको छ।
शनिवार आयोजक कैलाली उद्योग वाणिज्य संघले टिकट बन्द गरेपछि फिर्ता भएका धेरै अवलोकनकर्ताहरु आक्रोसित भएका थिए।
शनिबार परेकाले बालवालिकासहित धनगढी र आसपासका गाउँबाट ठूलो संख्यामा सर्वसाधारणहरु महोत्सव अवलोकनका लागि आएका थिए।
महोत्सव स्थल बाहिर पनि टिकट नपाएका अवलोकनकर्ताको ठूलो भिड लागेपछि प्रहरीले चारैतिरबाट महोत्सव स्थल जाने बाटो तीन घण्टा बन्द गरेको थियो।
धनगढीमा खुलामञ्चको अभाव भएपछि अञ्चल प्रहरी कार्यालय सेतीको मैदानमा महोत्सव आयोजना हुँदै आएको छ। तर उक्त मैदान पनि साँघुरो भएका कारण दर्शक उभिनका समेत ठाँउ छैन।
कैलाली उद्योग वाणिज्य संघका अध्यक्ष शंकर बोगटीले भने, ‘ धनगढीमा ठूलो प्रदर्शनी स्थल निमार्ण गर्न लामो समयदेखि माग गरेका छौ। तर पनि माग सुनुवाइ भइरहेको छैन। ‘
उनले संघले माग बराबरको सांकेतिक माला आन्दोलनमा प्रदर्शनी स्थल निमार्णको मागलाई प्राथमिकताका साथ उठाउदै आएको बताए।
यो पनि हेर्नुहोस्:
भर्खरै
लोकप्रिय
