काठमाडौं-विनाविभागीय मन्त्री जनार्दन शर्माले देशमा भइरहेको सुनको तस्करी रोक्नुपर्ने बताएका छन्। नेपाल राष्ट्रिय सुनचाँदी व्यवसायी मञ्चाको प्रथम वार्षिक साधारणसभा बोल्दै उनले भने ‘ देशमा अवैध रुपमा सुन तसकरी बढी रहेको छ।’
बिनाविभागीय मन्त्री शर्माले सुन तस्करी हुँदा देशलाई अर्बौको घाटा भइरहेकाले देशको आर्थिक विकास गर्न पनि अवैध बाटोबाट भइरहेको सुनको तस्करी रोक्न जरुरी भएको बताए।
कार्यक्रममा नेकपा एमालेका सचिव तथा प्रतिनिधिसभा सदस्य योगेश भट्टराईले सबै तहको निर्वाचन सम्पन्न भइसकेकाले नेपालमा लगानी गर्ने उचित वातावरण तय भइसकेको बताए।
उनले भने ‘अब बन्ने सरकारले कर तिर्ने सबै व्यवसायीहरुलाई सुरक्षा दिन्छ।’ यस्तै नेपाल राष्ट्रिय सुनचाँदी व्यवसायी मञ्चका अध्यक्ष गणेशप्रसाद लकान्द्रीले सुनचाँदी व्यावसायीलाई मर्यादित सरकारको प्रतिबद्धताको खाँचो रहेको बताए।
प्रथम वार्षिक साधारण सभामा आर्थिक तथा संगठनात्मक प्रतिवेदन पेश गरिएको थियो भने सुनचाँदीको क्षेत्रमा योगदान पुर्याउने विभिन्न व्यक्तित्वहरुलाई सम्मान गरिएको थियो।
भर्खरै
लोकप्रिय
