काठमाडौंँ– व्यवसायी तथा सञ्चार उद्यमी अजेयराज सुमार्गीले कान्तिपुर दैनिकले आफूविरुद्ध समाचार लेखेर बार्गेनिङ गरेको आरोप लगाएका छन्।

उनले शान्ति सुरक्षाको माग गर्दै काठमाडौं जिल्ला प्रशासनमा निवेदन दिएका छन्।

सुमार्गी थाहा सन्चार नेटवर्कका मालिक हुन्। कान्तिपुरको बार्गेनिङ अस्वीकार गरेपछि आफूविरुद्ध सुनियोचित समाचार लेखिएको सुमार्गीको दाबी छ।

कान्तिपुर दैनिक र कान्तिपुर समूहका अन्य प्रकाशन तथा प्रसारण संस्थाले पछिल्लो समय सुमार्गीसँग सम्बन्धित समाचारहरु प्रकाशन तथा प्रसारण गर्न थालेपछि उनी आफू असुरक्षित भएको दाबीसहित प्रशासनमा पुगेका हुन्।

सुमार्गीले निवेदनमा कान्तिपुरका सञ्चालक कैलाश सिरोहियाले आफूलाई बेचेको जग्गा पुरानै मल्यमा फिर्ता गर्न नमानेपछि आफूविरुद्ध आधारहीन समाचार प्रकाशन तथा प्रशारण गरेको गरेका छन्।

ती समाचारले आफ्नो सामाजिक तथा व्यवसायिक मान प्रतिष्ठामा क्षति पुर्‍याउँदै आएको र आफ्नो परिवारविरुद्ध भौतिक आक्रमणसमेत गराउन सक्ने भन्दै सुरक्षा माग गरेका हुन्।

यो पनि पढ्‍नुस्..