काठमाडौं-कारोबार रकममा सुधार हुँदा पनि साताको अन्तिम दिन नेप्से परिसूचक दोहोरो अंकले घटेको छ।
बिहिबार १६२ कम्पनीको कारोबार हुँदा ८१ करोड ६९ लाख रुपैयाँ बराबरको सेयर खरिद बिक्रि भएको छ।
स्ट्यान्डर्ड चाटर्ड बैंकको २ हजार ९४ कारोबारबाट २२ करोड ८० लाख रुपैयाँको सेयर खरिद बिक्रि हुँदा कारोबार रकम वृद्धि हुन पुग्यो।
निरन्तर नेप्से परिसूचक ओरालो लाग्दा यस साता मात्रै परिसूचकमा ६९.६९ अंकको गिरावट आएको छ। साताको अन्तिम कारोबार दिन नेप्से परिसूचक १०.७३ अंकले घटेर १४१४.७८ अंकमा पुगेको छ।
महुली सामुदायिक लघुवित्त संस्थाको मुल्य बढ्ने क्रम बिहिबार पनि रोकिएन। बिहिबार पनि महुलीको मुल्य १० प्रतिशतले बढेको छ।
सबैभन्दा बढी घट्ने कम्पनीको सूचीको नयाँ नेपाल लघुवित्त बिकास संस्था रह्यो। नयाँ नेपालको मुल्यमा ५ प्रतिशतको गिरावट आएको हो।
ट्रेडिङ होटल र अन्य उपसूचक उकालो लाग्दा बैंकिंङ, बिकास बैंक, हाइड्रोपावर, फाइनान्स, बिमा, उत्पादनमुलक र माइक्रोफाइनान्स उपसूचक ओरालो लागेको थियो।
बजारमा देखिएको तरलता अभावलाई सेयर बजार ओरालो लाग्नुको प्रमुख कारणको रुपमा लिँदै आएको छ।
ब्रोकरहरुले नयाँ सरकारले लिने आर्थिक नीतिमा बजारको दिशा निर्भर हुने बताए।
यो पनि हेर्नुहोस्:
भर्खरै
लोकप्रिय
