काठमाडौं -नेकपा (एमाले)ले अहिलेसम्म निर्वाचन आयोगले प्रतिनिधिसभा निर्वाचन तर्फको समानुपातिक सूची घोषणा नगरेकोमा असन्तुष्टि पोखेको छ ।
बिहीबार सम्पन्न एमालेको स्थायी समितिको बैठकले निर्वाचन आयोगलाई समानुपातिक निर्वाचन परिणाम छिटोभन्दा छिटो सार्वजनिक गर्न ध्यानाकर्षण गरेको स्रोतले जनाएको छ।
बैठकले समानुपातिक निर्वाचनको परिणाम सार्वजनिक नहुँदा सरकार निर्माणमा ढिलाइ भएको निष्कर्ष निकालेको उक्त स्रोतले जनायो।
राष्ट्रिय सभाबारे राष्ट्रपतिसँग पुगेको अध्यादेशबारे दलहरू विभाजित भएकाले पनि समानुपातिक निर्वाचनको परिणाम सार्वजनिक गर्न निर्वाचन आयोगले ढिलाइ गरेको आशंका गरिएको छ। यद्यपि निर्वाचन आयोगले पहिले नै राष्ट्रिय सभाको विवादले समानुपातिक निर्वाचन परिणाम र सूची गर्न सार्वजनिक गर्न समस्या नपार्ने बताएको थियो ।
एमाले स्थायी समिति बैठकले समानुपातिक मत सार्वजनिक गर्नेबारे निर्वाचन आयोगसँग छलफल गर्न प्रतिनिधि मण्डल पठाउने निर्णय पनि गरेको स्रोतले बतायो।
त्यस्तै बैठकले प्रदेश सभा तर्फ सातै प्रदेशका लागि आफ्ना प्रतिनिधिहरूको सूची तयार पारेको छ ।
यो पनि हेर्नुहोस्:
भर्खरै
लोकप्रिय
