ब्रम्हकुमारीहरुसँग दाहालले भने, हाम्रो जनयुद्ध शान्तिका लागि थियो

ब्रह्मकुमारी राजयोग सेवा केन्द्रले शुक्रबार ललितपुरमा आयोजना गरेको कार्यक्रममा उनले भने, ‘हामीले जनताका बीचमा गरेका स्थिरता, शान्ति, सुशासन र समृद्धिको प्रतिबद्धता मुलुकको मुख्य एजेण्डा हो।’

अध्यक्ष दाहालले भने, ‘अब देशलाई शान्ति, सुशासन र समृद्धिको यात्रामा अघि बढाउँछौँ, हामीले चलाएको दश वर्षे जनयुद्ध पनि शान्तिका लागि थियो, सुशासनका लागि थियो, विकासका लागि थियो, अहिले हामी त्यही संकल्पमा छौँ।’

माओवादी प्रवक्ता पम्फा भुसालले राजनीतिक स्थायित्व र जनअपेक्षा सम्बोधन गर्न वाम गठबन्धन सफल रहने र त्यसका लागि नेकपा (माओवादी केन्द्र) प्रतिबद्ध भएर लागेको बताए। (रासस)

यो पनि हेर्नुहोस्:

निर्वाचन शान्तिपूर्ण रूपले सम्पन्न