पोखरा-नेपाल आर्मी र एपिएफ क्लब पोखरामा जारी राखेप च्याम्पियनसिप अन्तर्गत ३१ औं पुरुष राष्ट्रिय भलिबल प्रतियोगिताको फाइनलमा प्रवेश गरेका छन्।
नेपाल आर्मीले अर्को विभागीय टोली नेपाल पुलिसलाई र एपिएफले आयोजक पश्चिमाञ्चललाई हराउँदै फाइनमा प्रवेश गरेका हुन्।
आर्मीले संघर्षपूर्ण खेलमा नेपाल पुलिसलाई ३–२ को सेटमा हरायो। आर्मीले २५– २३, १९–२५, २५–२३, १९–२५ र १६—१४ को सेटमा हरायो।
शुक्रबार भएको अन्तिम खेलमा सशस्त्र प्रहरीको एपिएफ क्लबले पश्चिमाञ्चललाई ३—० को सोझो सेटमा हराउँदै आर्मीसगँको भेट पक्का गरेको हो।
एपिएफले २५–१६, २५–२१ र २५–२३ अंक बटुल्दै पश्चिमाञ्चलाई हरायो। तेस्रो स्थानका लागि आयोजक पश्चिमाञ्चल र नेपाल पुलिस क्लब भिड्ने छन्।
त्यसैगरी २१ औं महिला राष्ट्रिय भलिबल प्रतियोगितामा सशस्त्र प्रहरीको एपिएफ क्लब फाइनलमा प्रवेश गरेको छ। शुक्रबार बिहान भएको खेलमा पश्चिमाञ्चललाई सोझो सेटमा हराउँदै एपिएफ फाइनलमा प्रवेश गरेको हो। एपिएफले पश्चिमाञ्चललाई २५–१८, २५–२२ र २५–२२ को सोझो सेटमा जितेको हो। जितसँग एपिएफ फाइनलमा प्रवेश गरेको छ। शुक्रबार नै भएको अर्को सेमिफाइलनमा विभागीय टोली नेपाल पुलिस क्लबलाई हराउँदै मध्यमाञ्चलले एपिएफसँगको भेट पक्का गरेको छ।
न्यु डायमण्डका खेलाडीको सेट टिम नै मध्यमाञ्चबाट मैदानमा उत्रिँदा नेपाली पुलिस क्लब ३–१ को सेटमा पराजित भयो। नेपाल पुलिस क्लबले पहिलो सेट जिते पनि त्यसपछिका सबै तीन खेल नै मध्यमाञ्चलले जितेको थियो। मध्यमाञ्चलले २२– २५, २५–२०, २७–२५ र २५–१३ ले हरायो। तेस्रो स्थानका लागि शनिबार पश्चिमाञ्चल र नेपाल पुलिस क्लबबीच खेल हुनेछ।
भर्खरै
लोकप्रिय
