काठमाडौं-निर्वाचन आयोगले समानुपातिक सूचीमा त्रुटी सच्याउन पत्रचार गरे लगत्तै नेपाली कांग्रेसका शीर्ष नेताहरु कसरतमा लागेका छन्।
प्रधानमन्त्री शेरबहादुर देउवाको सरकारी निवास वालुवाटारमा कांग्रेसका शीर्ष नेताहरु समानुपातिक त्रुटीबारे छलफल जुटेको प्रधानमन्त्रीका प्रेस संयोजक गोविन्द परियारले देश सञ्चारलाई बताए।
उनले भने ‘ समानुपातिक त्रुटीबारेको छलफलमा अर्जुन नरसिंह केसी, कृष्ण सिटौलालगायत सहभागि छन्। तर निश्कर्ष भने निकाल्न सकेनन्।’
आयोगले समानुपातिकमा देखिएको त्रुटि सच्याउन तीन दिनको समयसीमा दिएपछि नेपाली कांग्रेससहित ६ वटा दलहरुलाई समावेशी र पहिलेको प्राथमिक क्रमानुअनुसार सूची बनाएर पठाउन पत्रचार गरेको थियो।
आयोगले दलहरुले बुझाएको प्रदेश समानुपातिक सूचीमाथिको छानबिन मंगलबार साँझ मात्रै सम्पन्न गरेको थियो।
निर्धारित म्याद (शुक्रबार) भित्र दलहरुले पठाएको सूचीलाई शनिबारदेखि निरन्तर रुजु गर्ने काम सुरु भएको थियो। रुजुका क्रममा त्रुटि भेटिएपछि सच्याउन दलहरुलाई आयोगले समय दिएको हो।
यो पनि हेर्नुहोस्:
भर्खरै
लोकप्रिय
