काठमाडौं- उतारचढाव पूर्ण सेयर बजार अन्ततः २.४४ अंकले बढेर बन्द भएको छ।
कारोबार सुरु भएको २० मिनेट भित्र करिब १०अंकले बढेको बजार अर्को २० मिनेट भित्र १२ अंकले घटेको थियो।
करिब २ मिनेट जति रातो भएको परिसूचक २ घण्टा भन्दा बढी समय उकालो चढेको थियो। दुई घण्टा भित्र २० अंकले बढेको नेप्से परिसूचक अन्तिम ३० मिनेट ओरालो लाग्दा १४३७.२५ अंकमा पुगेर रोकिएको थियो।
लगानीकर्ताको मनोबल अझै बढेको देखिदैन एक ब्रोकरले भने, बजार बढ्दा खरिदकर्ताको चाप बढेको तर बजार घट्न थाल्दा सेयर बेच्नहरु धेरै देखिएका छन्।
उतारचढाव पूर्ण बजारमा १ सय ६६ कम्पनी ६३ करोड ३२ लाख रुपैयाँ बराबरको सेयर खरिद विक्री भएको छ।
मंगलबार पनि सबैभन्दा बढी रकमको कारोबार गर्ने कम्पनी स्ट्यान्डर्ड चाटर्ड बन्यो। स्ट्यान्डर्डको ६ करोड ५२ लाख रुपैयाँ बराबरको कारोबार भएको छ।
एभरेष्ट बैंकको प्रिफिरेन्स सेयरले सबैभन्दा बढी ६.६ प्रतिशत गुमाउँदा सबैभन्दा बढी कमाउने मिसन विकास बैंकको मूल्य ७.४१ अंकले बढेको थियो।
बैंकिंङ, ट्रेडिङ र अन्य उपसूचक उकालो लाग्दा होटल, विकास बैंक, हाइड्रोपावर, वित्त, बीमा, उत्पादन मूलक र लघुवित्त उपसूचक ओरालो लागेका थिए।
यो पनि हेर्नुहोस्:
भर्खरै
लोकप्रिय
