काठमाडौँ- सेयर बजारको वृद्धि दुई दिनभन्दा धेरै टिक्न सकेन। लगातार दुई दिन उकालो लागेको सेयर बजारमा साताको चौथो कारोबार दिन दोहोरो अंकको गिरावट आएको छ। बुधबार नेप्से परिसूचक २०.६३ अंकले घटेर १४१६.६१ अंकमा पुगेको छ।
बजार खुलेको प्रारम्भदेखि ओरालो लाग्न थालेको बजार दोहोरो अंकले घटेर बन्द भएको थियो।
दोहोरो अंकले बजार ओरालो लाग्दा कारोबार रकममा पनि गिरावट आएको छ। साताको चौथो दिन १ सय ५५ कम्पनीको ४४ करोड ५५ लाख रुपैयाँ बराबरको सेयर खरिद बिक्री भएको छ।
सबैभन्दा रकमको कारोबार गर्ने कम्पनीको सूचीमा नेपाल टेलिकम रह्यो। टेलिकमको ४ करोड ३० लाख रुपैयाँ बराबरको कारोबार भएको छ।
बुधबार १६ कम्पनीका लगानीकर्ता नाफामा रहँदा सबैभन्दा भन्दा बढी बढ्ने कम्पनीको सूचीमा मल्टिपर्पोज फाइनान्स रह्यो। सबैभन्दा बढी घट्ने कम्पनीको सूचीमा महिला सहयात्रा माइक्रोफाइनान्स वित्तीय संस्था रह्यो। महिलाको मूल्य ६ प्रतिशतले घटेको छ।
दोहोरो अंकले घटेको बजारमा सम्पूर्ण उपसूचकहरु पनि ओरालो लागेका थिए।
यो पनि हेर्नुहोस्:
भर्खरै
लोकप्रिय
