नयाँ दिल्ली– बिहारका पुर्व मुख्यमन्त्री तथा राष्ट्रिय जनता दलका नेता लालुप्रसाद यादवलाई सीबिआई अदालतले ‘चारा घोटाला’ नामले चिनिएको सरकारी ढुकुटीको दुरुपयोग मामिलामा साढे तीन वर्षको कैद सजाय र पाँच लाख रुपैयाँ जरिवाना गरेको छ।
गत साता करिब ८५ लाख रुपैयाँको भष्ट्रचार सम्बन्धी मुद्धामा सीबिआई कोर्टले दोषी ठहर गरेको थियो र त्यसै अपराधमा शनिबार सजाय तोकिएको हो।
झारखन्ड प्रान्तको राजधानी राँचीस्थित विर्सामुन्डा जेलमा रहेका यादबले भिडियो कन्फेरेन्समार्फत अदालती कारबाही तथा आफुलाई दिईएको सजायबारे जानकारी लिएका थिए।
अदालती निर्णयलगत्तै उनका छोरा तथा राष्ट्रिय जनता दलका नेता तेजस्वी यादबले फैसलाको अध्ययन गरि पट्ना उच्च न्यायलयमा पुनरावेदनमा जाने घोषणा गरेका छन्।
साथै उनले आफ्ना पिताको जमानतका लागि पनि उच्च न्यायलयमा निवेदन दिने बताए। करिब २० वर्ष पुरानो चारा घोटाला कान्डमा एक अभियोगमा यादबलाई पहिले नै दोषी ठहर गरिएको थियो भने दोस्रोमा गत साता ।
अभियोग पत्र दाखिल भएपछि मुख्यमन्त्रीको पदबाट राजिनामा दिएका यादब दोषी ठहर भएपछि निर्वाचन उठ्नबाट बञ्चित भएका थिए।
यो पनि हेर्नुहोस्:
भर्खरै
लोकप्रिय
