काठमाडौं- लगातार ओरालो लागिरहेको नेप्से परिसूचक यस साता भने १६.४६ अंकले उकालो लाग्यो। गत साता बिहिबार १४२३.८३ अंक रहेको नेप्से परिसूचक यस साताको अन्त्यमा १४४०.२९ अंकमा पुगेको छ।
नेप्से परिसूचक उकालो लाग्दा पनि गत साताको तुलनामा कारोबार रकममा गिरावट आएको छ। गत साता २ अर्ब ७० करोड रुपैयाँ बराबरको कारोबार हुँदा यस साता १ अर्ब ७१ करोड रुपैयाँ बराबरको कारोबार भएको हो। कारोबार रकममा गत साताको तुलनामा ३६.७९ प्रतिशतले गिरावट आएको हो।
साताभर नेपाल लाईफ इन्स्योरेन्स कम्पनीको सबैभन्दा बढी रकमको कारोबार भएको थियो। नेपाल लाईफको २३ करोड ७६ लाख रुपैयाँ बराबरको कारोबार भएको हो।
साताको अन्तिम दिन सार्वजनिक बिदा भएकाले यस साता ४ दिन मात्रै सेयर कारोबार भएको थियो।
यस साता एक्सेल डेभलपमेन्ट बैंक लिमिटेड करिब १९ लाख २२ लाख कित्ता हकप्रद सेयर सूचीकरण हुँदा ङादी ग्रुप पावर लिमिटेड, सानिमा बैंक लिमिटेड, नविल बैंक लिमिटेड र टुरिजम् डेभलपमेन्ट बैंक लिमिटेडको करिब ३ करोड ६१ लाख कित्ता बोनस सेयर सुचिकृत भएको छ।
भर्खरै
लोकप्रिय
