एजेन्सी-अमेरिकाको क्यालिफोर्नियामा १३ सन्तानलाई बन्धक बनाएर राख्ने बुवाआमालाई प्रहरीले पक्राउ गरेको छ ।
५७ वर्षीय डेविड एलन तुर्पिन र ४९ वर्षीया लुइस एना तुर्पिनलाई प्रहरीले दुईदेखि २९ वर्षसम्मका १३ सन्तानलाई बन्धक बनाएर राखेकाले पक्राउ गरिएको क्यालिफोर्निया प्रहरीले जनाएको छ।
उनीहरुले १३ जनामध्ये केहीलाई सांग्लोले बाँधेर तथा चाबी लगाएर राखेका थिए । लस एन्जलसबाट ५९ माइल दक्षिण पूर्व पेर्रिसमा रहेको घरमा उनीहरुले बन्धक बनाएर राखेका १३ जनालाई प्रहरी तथा सरकारी अधिकारीले उद्धार गरेका छन् ।
आइतबार १७ वर्षकी किशोरीले घरबाट भागेर प्रहरीलाई फोन गरेर आफ्ना १२ दिदी बहिनी तथा जादुभाइ घरमा बन्धक रुपमा रहेको बताएपछि प्रहरी त्यहाँ गएको थियो ।
त्यसपछि प्रहरीले बुवा आमालाई पक्राउ तथा बन्धक बनाइएका १३ जनालाई उद्धार गरेको हो ।
उद्धार गरिएका व्यक्तिमा सातजना वयस्क छन् भने अरु चारजना बालबालिका छन् । उनीहरु कुपोषित तथा सरसफाइको अवस्था कमजोर रहेको सरकारी अधिकारीलाई उद्धृत गर्दै सिएनएनले जनाएको छ ।
भर्खरै
लोकप्रिय
