काठमाडौँ- पप सम्राट ओमबिक्रम बिष्टको सहयोगको लागि इन्टरनेसनल नेप्लिज आर्टिस्ट सोसाइटी इनासले शनिबार अमेरिकाको भर्जिनियामा एक सांस्कृतिक कार्यक्रमको आयोजना गर्ने भएको छ।
विगत केही समयदेखि दुवै मिर्गौलाको समस्याबाट ग्रस्त गायक बिष्टको सहयोगार्थ कार्यक्रम आयोजना हुन लागेको इनासका सचिब कृष्ण श्रष्ठले जानकारी दिए।
हाल गायक बिष्ट अमेरिकामा उपचाराचार्थ रहेका छन्। कार्यक्रममा अमेरिकाको विभिन्न स्थानमा बसोबास गर्ने गायक राम श्रेष्ठ, जगदीश समाल, कलाकार सरोज खनाल, किरणप्रताप केसी, निशा अधिकारी, रिमा विश्वकर्मालगायतले प्रस्तुति दिने बताइएको छ।
इनासका सचिव श्रेष्ठले कार्यक्रममा उपस्थित भएर सहयोग गर्न अमेरिकामा रहेका नेपालीलाई अपिल गरेको छन्।
‘बितेको जिबन मेरो’, ‘म मौनतामा अल्झिरहेको एउटा जीवन’, ‘सुनचाँदीभन्दा महङ्गो यो ज्यान’लाई लगायत कालजयी गीत गाएका बिष्टलाई नेपालमा पप गीतको सुरुवात गरेको श्रेय पनि जाने गरेको छ।
भर्खरै
लोकप्रिय
