वासिङ्टन- अमेरिकी लंग एसोसिएसयनले सूर्ती नियन्त्रण नीति ल्याएपछि अमेरिकामा धुमपान गर्नेहरुको संख्यामा उल्लेख्य कमी आएको जानकारी दिएको छ।
एसोसिएसनको वार्षिक प्रतिवेदनमा वयस्क र बालबालिकामा धुमपानको दर एेतिहासिक रुपमा कम भएको उल्लेख गरेको छ। १५. ५ प्रतिशत अमेरिकी वयस्क र आठ प्रतिशत उच्चशिक्षाका विद्यार्थीले सिगरेट पिउने गरेको एसोसिएसनले जानकारी दिएको छ।
जबकि सन् २००५ मा सिगरेट तान्ने वयस्कको प्रतिशत अमेरिकामा २०. ९ प्रतिशत थियो। यो तथ्यांकअनुसार पनि करिब ३ करोड ८० लाख अमेरिकी सिगरेट पिउँछन्।
‘सिगरेट पिउने वयस्कको संख्या घट्दै गइरहेको छ, धेरैले सिगरेट छाडिरहेका छन्, पिउनेहरुले पनि कम पिइरहेका छन्, ‘ यससम्बन्धी एक अधिकारी कोरिन ग्राफन्डरले भने।
अमेरिकाका कम शिक्षित र ग्रामीण भेकमा भने सिगरेट पिउनेहरुको संख्या ३० प्रतिशतसम्म रहेको लंग एसोसिएसनले जानकारी दिएको छ। यो वर्गमा निष्क्रिय धुमपान गर्नेहरुको संख्या पनि उल्लेख्य रहेको एसोसिएसनले जानकारी दिएको छ।
भर्खरै
लोकप्रिय
