स्टार स्ट्राइकर नेइमार बिनाको खेलमा पनि प्रभावशाली जित निकाल्दै पेरिस सेन्ट–जर्मेन ( पिएसजी ) फ्रेन्च कप फुटबलको अन्तिम १६ मा पुगेको छ ।
चोटका कारण मैदान बाहिर रहेका नेइमार बिना खेलेको पिएसजीले बुधबार राति भएको खेलमा ग्याङ्गोङलाई ४–२ ले हराउँदै अन्तिम १६ मा स्थान बनाएको हो ।
यो खेलमा एडिसन काभानीले भने खेलेका थिए । तर उनले गोल गर्न सकेनन् । पिएसजीका लागि राबिओट, पास्तोरी र माक्र्युन्होसले गोल गरे । यस्तै ग्याङ्गोङका डेउक्सले आत्मघाति गोल गरे ।
ग्याङ्गोङका लागि थुराम र एनग्बाकोटोले गोल गरे । नेइमार थाइ इन्जुरीका कारण लगातार दुई खेलमा मैदान बाहिर रहे ।
काभानीले यो खेलमा गोल गर्न नसक्दा पिएसजीको सर्वाकालीन सर्वाधिक गोलकर्ता बन्नका लागि कम्तिमा अर्को खेल पर्खिनु पर्ने भएको छ । उनले एक सय ५६ गोल गरेर जाल्टन इब्राहिमोविचको कीर्तिमानमा बराबरी गरेका छन् ।
भर्खरै
लोकप्रिय
